I have always said that Jamaican Creole is such a wonderful language.  Please enjoy the comedic piece presented below, enhanced by the creative use of JC by one of Jamaica’s most talented musicians.

Enjoy 🙂

Tan so Back

Professor Nuts

Mud Up Riddim

INTRO

Dem seh coward man keep sound bone

So if a man waah fight yu, run!!

No tan up

Hear mi now

CHORUS

Tan so back a man a chuck it pan yu yu jos tan so back

If him a run up him mouth just tanso back

And him a gwaan like him bad yu just tan so back

Tan so back because a Mickey Mouse dat

VERSE 1

A Mickey Mouse dat an him a damn iidiot

Laka a head taata fool incompetent bat

Him is a nun deh gotten pig unscrupulous rat

When yu tell him all a dat and him a chat all yu do just tan so back

While him a chat no answer him back

Mouth cut cross ways and mouth mek fi chat

As long as a no daddy fi knock yu back, bad

No pay him no and do not react

Kaa him might go chat an you go react

No wan back a machete and land him two chop

Is after him dead now yu a go tink back

If mi did know mi wouldn’t chop him so hot

Dem deh time deh dah chop deh gate deh done lock

A fi yu goose a go cook ina di enamel pot

Brups, yu gone a prison as easy as dat

A seh if mi did know mi would a

CHORUS

Tan so back a man a chuck it pan yu yu jos tan so back

If him a run up him mouth just tanso back

And him a gwaan like him bad yu just tan so back

Tan so back because a Mickey Mouse dat

 

VERSE 2

Mi an a bredda ketch up ina di Skateland

Mi did a come chuu di crowd an mi bounce him woman

Him dip ina mi collar an seh oi deh yute man

Mi just bend up mi face an just box off him hand

And seh weh dis weh dat a weh yu come from

Kom a tek yu dutty hand a crush up mi nylon

Him seh  wait deh likkle bit, so yu a bad man

Yu waah come hangl (handle) mi soft in front a mi woman

Him back out a knife bout forty feet long

Like weh dem butcher use do slaughteration

A seh , yu si da knife yah it kill forty man

And if yu gwaan like yu bad yu a go mek forty one

Mi seh  wait yu waah dead and dash weh mi dragon

And kick weh two chair and shub off couple man

And dip ina mi pocket like a Don Gorgon

Back out a pack a cigarette and seh  boss yu waah…..

CHORUS

Tan so back a man a chuck it pan yu yu jos tan so back

If him a run up him mouth just tan so back

And him a gwaan like him bad yu just tan so….

Tan so back because a Mickey Mouse dat

 

VERSE 3

Wi have a dispute mi an mi gyalfren

When shi come iin last night bout quarter pass ten

When mi seh weh yu coming from

Shi seh mi go look fi dem

When mi grab afta har shi back a fountain pen

An seh come no come no yu know from when

A waah back yu up fi jook out yu yaiy dem

Mi nah go mek yu batta batta mi again

Mi radda go a prison kaa woman no heng

Shi lef out a di yard mi nehvn know when

Shi come back shi a bawl, mi seh wah happen to yu Gwen

A feel up har face an har two jaw dem

An seh  a bredda box mi roun a Cockburn Pen

Mi seh wait a man box my girlfriend

A mussi dead him wah dead like Auntie fowl dem

Mi pat har pan har head an seh no worry yah Gwen

Him gwaan like him bad, wi a go dung deh den

When mi reach dung deh mi sight some likkle children

Mi just drape dem up bad and ask dem if a dem

Dem seh no Missa Sar (Sir)

Mi seh who box yu gwen

Mi hear a course voice seh a mi box yu gyalfriend

When mi tun round di man a ten foot ten

Mi go fi run but something hold mi foot dem

Mi seh respect mi friend a no him box yu Gwen

Shi seh yes a him dwiit

Mi seh aarite den

If yu tink seh yu bad bwoy box har again

BOII, di bredda box har again

Mi seh wait mi neva see yu waah box har again

BOII, di bredda box har again

Mi just run go cross di road two Heineken

When mi come back mi gi him an shake him hand dem

An seh respect yah boss yu save mi di problem

A doh tink a haffi box har dung….

CHORUS

Tan so back a man a chuck it pan yu yu jos tan so back

If him a run up him mouth just tanso back

And him a gwaan like him bad yu just tan so back

Tan so back because a Mickey Mouse dat

 

SONG ENDS

Advertisements